(¯´°•. ... مكتب تحقيقات المفتش كرومبو ..... والمفاجاءة المدوية ... .•°`¯) تعالو نتعرف عليه

بعد عودة المفتش كرومبو من بلاد الواق واق
واللى ملقاش فيها شغل وكان هيضيع فيها

حبيت انشلة من الضياع ومن الواقوع فى الهاوية
وكلو بثوابة

جيبتو وكلمتوا انة يفتح مكتب للتحقيقات عندنا فى الدفى دى هنا
وبعد موافقتة قررنا نعمل مؤتمر صحفى نعرف فية كل الناس فى الدفى دى

طبعا بنرحب بالمفتش كرومبو معانا فى المنتدى
وهو هيتولى التحقيقات فى اى مشكلة واى جريمة او حداثة تحصل

وهيسضيف ناس من كبرات البلد علشان يحقق معاهم
ودلوقتى نسيب المفتش كرومبو يتكلم
واللى عايز يسالو اى سؤال يتفضل

احم احم اعرفكم بنفسى
المفتش كرومبو
اكبر المفتشين شهرة على وجة الارض
واول واحد اكتشف مين اللى سرق الرسيفر بتاع بكاكا لاءة

واللى عايز يعرف حاجة عنى يسال وانا هجاوبو على طول

قام زكى سوتة وقال
طب ياعم المفتش انت اية اللى جابك هنا
والمنتدى اصلا مليان حورات وكراسى اعتراف ومش محتاجينك معانا
ولا الادارة بتبعزق فلوس وخلاص

بص لة كرومبو من تحت لتحت وقالو
اقعد يا شخص
انا غير كل الناس دى
احنا هنا هنوجة اتهمات
وهنتعرف على الشخصيات اللى هنستضيفها وهنحاول نسبر اغورها
وهيبقى الحوار ساخن ومش هتقدر تغمض عنيك
دة انا اللى خليت سيد كفتة يقعد اسبوع من غير ما ياكل كفتة

قام حامد مفيش فكة وقالو
طب هتيجى كل قد اية يا حج كرومبو ولا هنشوفك كل سنة مرة

رد كرومبو وقالو

احنا هنعمل اعلان كل يوم سبت عن ضيف جديد
اللى عايز يوجهلو اى سؤال يبعتلى ويقولى السؤال
وطبعا الضيف مش هيعرف مين اللى سألة
يعنى كل واحد يسال السؤال اللى هو عايزة
ويوم الجمعة اللى بعد البست هنزل الحوار كلة للناس واللى يعرف الحل يتصل بينا
ويوم السبت اللى هو تانى يوم على بعد الجمعة " فقيق اوى كرومبو دة "
نعلن عن المتهم الجديد

رفع ايدو شنكليح بتاع المراجيح وسال
انت اية ياعم كرومبو جاى توقع الناس فى بعض
اتهمات اية اللى هتوجهة ومتهم اية اللى هتستضيفو
ناقص تقولى ابقى خودة لفة بالمرجيحة قبل وبعد التحقيق

يرد علية كرومبو

امثالك هما اللى بيخلو فية صراعات وزعل بين الناس فى المنتديات
المنتدى والنت كلو ماهو الا وسيلة للترفية
واحسن من المراجيح بتاعتك
وبرضو لانك تستفيد وتفيد الناس علية
واللى يخلى النت يزعلو من صحبوا او يتخانق مع حد بسبب النت يبقى مبيفكرش
ويروح يركب مراجيح احسن

سالة عوض عقدة بصوتة الاجش
طب ما انت بتقول اتهمات وهتخرج كل مافى جعبة الضيف

رد علية كرومبو
احنا هندردش مع الضيف
والموضوع ترفيهى وهنضحك فية واى عقد مش عاوزين

رد شنيح عضل وقالو
يعنى انت هتعمل اية بالظبط يعم كرمبو

بصلو كرومبو بقرف كدة وقالو

احنا هنجيب مشرفين واعضاء واهم الشخصيات هنا فى المنتدى
وهنوجة ليهم الاسئلة فى شكل اتهمات
وهما يردو على الاتهمات دى
وكل اسبوع ضيف جديد
وهيتعمل للضيف الجديد موضوع مستقل خالص
والموضوع دة هيكون زى فهرس للحلقات
اللى عايز يختار ضيف جديد يكلمنا من يوم الاربع ليوم السبت اللى هو يوم اعلان الضيف
واللى عايز يسال الضيف اللى اعلنا عنة
يكلمنا من يوم السبت وقت اعلان الضيف لحد يوم الخميس
كلمونا من مصر على
000زيروهين زيرو

ومن الاردن على
00 3 زيروهات زيرو ومتنسوش الصفرين اللى فى الاول بتوع الدولى

قام فتحى فتوح بتاع السطوح وقال
طب يا حضرة المفتس انت هتفتس ولا ......

قاطعة كرومبو وقال

دلوقتى ميعاد المؤتمر خلص
ابعتولنا انتوا على تليفوناتنا وقولولنا هتحبو نستضيف مين
واحنا هنعلن عن الضيف ان شاء الله يوم السبت
ويوم الجمعة اللى بعدية هنزل الحوار
يلا اشوفكم على خير

وخرج المفتش كرومبو من المؤتمر
وسط برطمة وتمتمة من كل اللى كانو حاضرين
واحنا بنسالكم مشاهدينا
تفتكرو لية كانو بيبرطموا
ومتنسوش تبعتوا الاجابات على تليفوناتنا اللى قال عليها كرومبو

ونلقاكم على خير مع اعلان الضيف يوم السبت ان شاء الله

مع تحيات ....
كرومبو ............