نهاية طالب جامعه النجاح...!!!

نهاية طالب جامعه النجاج

نجح بالتوجيهي وصار بالجامعة طالب ومن الأيام السودة فكر حالو هارب
كل همو بالجامعة يسحب مقالب و كل من شافو بفكرو شارب

حاطط سنسال ولابس نضارات بنطلون ساحل وبوت كات
ولو شاف شلة بنات بتلاقيه بالحيط فات
ماشي وعامل معاه ليرات ولو شافك بحكيلك اذا معك سيجارة هات

بحكيلك شايف هديك البنت السمرا اللي قاعدة مع صاحباتها بالحمرا
حبيبتي وبقعد معها بالساعات (لكن الواقع) هو مش قادر حتى يحكي معها عالشات

ولو قعد معها بالساعات عن شو رح تعبر الكلمات
هي كل كلام البنات سواء بالمدرسة او الجامعات
يييي عرفت شو صار آخر مرة بالسوبر ستار
كانت حلقة من الآخر جابو فيها فضل شاكر
شو حضرت مبارح ميرنا وخليل ؟ عن جد مصطفى دمو كتير تـقيل
وشايف هديك اللي اسمها هديل مسكينة بتحب شب كتير بخيل
هداك الشب كتير طويل وهاي صايره متل البرميل

وهي مثال عن(بعض)الحالات بخصوص المظاهر والشالات
بنت محجبة ولابسة جلباب بس لانها نصحت وشعرها شاب
بنت مو مخليه واحد من الشباب الا وقعدت معو بكلية الآداب
الي بشوفها بحكي هالبنت ما بتنعاب لكن الصراحة من الوقاحة طلعلها أنياب

يعني :
لما بدي ياك بمشي من عند الشريعة انتبه لانو مشيتي رح تكون سريعة
واذا شفتني رح اعطيك اشارة معناها الحقني ورا مبنى الادارة

وورا الادارة :
عمري ما حبيت شب وبس بفكر فيك انت كتير حلو اكتر شب هون شيك
دايما بحلم فيك بروحي بفديك وقلبي بعطيك

اياك بيوم من الايام فيي تشك لانو بحكي مع سبعين شب عالـ facebook

غيرك ما بتشوف عيوني بس المشكله الشباب بلحقوني
ولاتزعل مني هداك الشب مجرد زميل واصلا هو بحب صاحبتي نهيل
وهداك الشب بكون ابن عمة جارتنا مرات بحكي معو لأني كتير بشوفو بحارتنا
وهداك الشب بس كنت بفهمو السؤال و لو خرج عن الدراسة ما بفتحلو مجال
ما بخرج عن الدراسة آل طب وليش اهداكي هالسنسال

لكن ومع ذلك أنا مسامحك والنقطة عليكي رح امحيها
وعمري ما حفكر فيها بس اوعديني ما تعيديها

وبتمر الايام والشهور والمسكين بحبو مسرور
ماشي بالجامعة مغرور ومفكر حالو مشهور

ومشان يكون شب كول بياخدها عمكان معزول
بحكي لازم اكون عجول لأنها الحياة حتزول
وما حد بسترجي يطب فيي لاني بعرف اكبر مسؤول

وبيوم من الأيام :
والبنت قاعدة متل الأميرات بترفع راسها وبتنتبه عالكميرات

وبتقول : اهاااااا
عرفت ليش الأمن اخدو هديك الصبية
بطريقة غير انسانية
بلاش نروح بالمعية
فخلينا نطلع عالاكاديمية نكمل القعدة الرومانسية

وبالقعدة الرومانسية :
حبيبي في مسألة مصيرية صاحبة امي فوزية ...
طلبتني لابنها عطية عندو بيت و بشتغل بالمديرية
فلازم بسرعة تيجي تخطبني لأنو الشب هداك مش عاجبني
بس أهلي حبوه وبحكو شهم وفيه مروه وشكلهم رح يزوجوني ياه بالقوه

والطالب اذا كان طفران بتروح عليه وما بنعملو شان
واذا كان غني بروح زي الحيوان بخطب البنت اللي بتشبه السعدان
لو كان طفران رح يعيش فرحان مرتاح البال وينام بأمان

واذا خطبها بكمل حياتو معها
وبمشي معها مسافات بكلية الهندسة والفنون والبصريات
مش مجمع علامات طول الوقت مطنش محاضرات

الطالب :
يلعن الساعة اللي عرفتها فيكي
يا ريتني ما طلعت عالاكاديمية وما قعدت معك قعدات رومانسية
يا ريتني حملت شبرية ووقفوني عالبوابة الالكترونية
انسيني و ابعدي عني هاي منك احلى هدية
انتي دمرتي حياتي المنسية مش قادر انجح مش قادر اجيب ستين من مية

وقبل التخرج بشهر :
اكيد كل من صبر نال واكيد هم الجامعة عني رح ينشال
اكيد بتخرج و بيتحسن الحال ويمكن اشتغل بشركة جوال

وبالنهاية:
وبعد ما يعمل اكبر حفل يرقصوا فيه كل الأهل بمناسبة نجاحو بآخر فصل

قاعد بالبيت ولاكنو تخرج طول وقتو عالتلفزيون بتفرج
حياتو متل الهمل مافيها أمل نعسان أو نايم مو ملاقي عمل
وبالنهايه من كتر النوم انهبل وبعز شبابو مات من الخبل

رحمة الله عليه

-------------